វ៉ាន់ មករា បានសំណង ២លានរៀល «ព្រោះស្លាប់មុនពេលក្រឡាប់ឡាន!!»
26-January-2016 | ដោយ ពល រាជសី
ភ្នំពេញ៖ ឆ្លើយតបនឹងការទន្ទឹងចង់ដឹង ឡានពេទ្យក្រឡាប់ ដែលធ្លាប់ដឹកអ្នកជំងឺ និងសពវាស់គីឡូម៉ែត្រគិតលុយនោះ គេនឹងសងសំណងកម្រិតណាដល់សព តារាចម្រៀង វ៉ាន់ មករា ក្នុងហេតុការក្រឡាប់រថយន្តសង្គ្រោះនោះ?
កញ្ញា វ៉ាន់ នីតា ត្រូវជាប្អូនស្រីនៃសពតារាចម្រៀង វ៉ាន់ មករា បានឲ្យដឹងថា «ខាងឡានពេទ្យបានដោះស្រាយនូវសំណងឲ្យសពបងប្រុសខ្ញុំ វ៉ាន់ មករា ចប់រួចរាល់ហើយ យើងខ្ញុំប្រាក់ ២លានរៀល ប៉ុណ្ណឹងទេ ។
ជាមួយនឹងការហួសចិត្តនឹងមច្ចុរាជលើទ្រូងផ្លូវតាមផ្តាច់ជីវិតតារាចម្រៀង វ៉ាន់ មករា ទាល់តែបាន នឹកថា បានឡានពេទ្យដឹកសង្គ្រោះពីហេតុការណ៍ក្រឡាប់រថយន្តផ្ទាល់ខ្លួនលើកទី១ ដឹងអីជីវិតសូន្យនៅត្រឹមឡានពេទ្យនោះក្រឡាប់លើកទីពីរទៀត លើទ្រូងផ្លូវដដែលនៅចម្ងាយឃ្លាតពីគ្រោះថ្នាក់ទីមួយជាង១០គីឡូម៉ែត្រ។
ការបញ្ជាក់ពីសំណងឡានពេទ្យដែលមហាជនធ្លាប់ដឹងថា ជាមធ្យោបាយ ដឹកអ្នករបួស និងសព ចាំកត់ចម្ងាយគីឡូម៉ែត្រគិតលុយគ្មានការយោគយល់នោះ អ្នកខ្លះថា ពេលរថយន្តសង្គ្រោះបែរជាបង្កគ្រោះផ្តាច់ជីវិតគេម្តង ហើយសងត្រឹមតែ ២លានរៀល ដូចជាធូរថ្លៃពេកហើយ។
ប៉ុន្តែជាមួយគ្នានេះកញ្ញា វ៉ាន់ នីតា ដែលមិនមែនជាអ្នកស្ថិតក្នុងហេតុការណ៍គ្រោះស៊យបងប្រុសត្រូវក្រឡាប់រថយន្ត កាលពីថ្ងៃទី៩ ខែមករាទាំងពីរលើក កញ្ញាក៏បានបញ្ជាក់ថា៖ «បងប្រុសខ្ញុំគាត់បានផុតដង្ហើមនៅមុនពេលឡានពេទ្យក្រឡាប់»។
កញ្ញា វ៉ាន់ នីតា បានឲ្យដឹងទៀតថា៖ «បងប្រុសខ្ញុំគាត់បានរងរបួសធ្ងន់ធ្ងរនៅពេលក្រឡាប់ឡានលើកទី១ ហើយនៅពេលគាត់ទ្បើងទ្បានពេទ្យគាត់បានបាត់បង់ជីវិតពាក់កណ្ដាលផ្លូវទើបបែកកង់ទ្បានក្រទ្បាប់ទ្បានតែម្ដងទ្បានពេទ្យបែកកង់ចំនួន ៣ គ្រាប់»។
តាមសារព័ត៌មានភ្នំពេញ ប៉ុស្តិ៍ បានរៀបរាប់ថា ប្អូនស្រីសពរបស់តារាចម្រៀង វ៉ាន់ មករា ដែលមានឈ្មោះ វ៉ាន់ នីតា ក៏បង្ហើបផងដែរថា អ្នកដែលនៅជាប់នឹងលោក វ៉ាន់ មករា ក្នុងឡានពេទ្យនោះ មាននារីម្នាក់ ហើយនាងក៏ធ្លាប់បានជួបនារីនោះពីរដងហើយដែរ។ ប៉ុន្តែ កញ្ញា វ៉ាន់ នីតា នាងមិនបានបង្ហាញថា នាងបាននិយាយអ្វីជាមួយនារីនោះទេ ពិសេស គឺពេលសុំការបញ្ជាក់ថា នារីនោះ គាត់ដឹងអត់ថា វ៉ាន់ មករា ផុតដង្ហើមតាំងពីមុនឡានពេទ្យនោះក្រឡាប់។
នាងបានត្រឹមតែនិយាយថា៖«បង មករា ទើបតែនឹងស្គាល់នារីម្នាក់នោះ មួយរយៈពេលហ្នឹង ខ្ញុំក៏មិនដឹងថាគាត់ត្រូវអ្វីនឹងគ្នាទេ ឬមួយមិត្តភក្តិធម្មតាក៏មិនដឹងដែរ»។
មុនពេលបងប្រុសជួបគ្រោះស៊យ រលត់ជីវិតពីការក្រឡាប់ឡានមួយប៉ប្រិចភ្នែកពីរដងនោះ នាងបានរំឭកថាឪពុកនាងយល់សប្ដិឃើញលោកបាក់ធ្មេញ។ តារាចម្រៀង រូបនេះបានបន្សល់ទុកកូនប្រុសស្រីកំព្រាពីរនាក់។ តែក្នុងនោះមានតារាចម្រៀងចំនួនពីរដួងគឺលោក ទិត្យ វិច្ឆិកា ដែលជាបងធម៌របស់ វ៉ាន់ មករា និងលោកខាន់ ជែមក៍ សន្យានឹងជួយចិញ្ចឹមកូនប្រុសស្រីរបស់លោក វ៉ាន់ មករា ផងដែរ៕
ចំនួនអ្នកទស្សនា
- ថ្ងៃនេះ4181
- ម្សិលមិញ15191
- សប្តាហ៍នេះ47331
- ខែនេះ69211
- ឆ្នាំនេះ69211
- សរុប20511667